欣賞套片既時候，不要期望太多，話晒佢係一部紀錄片，唔係好似「明日之後 the day after tomorrow」富娛樂性既災難片；只要抱住當佢係一個教育電視節目，咁樣睇起上來較易接受。
套片帶出近年來一連串因全球暖化問題導致氣候異常既事實﹐係想讓全世界正視：「在全球氣候問題不斷惡化既今日，我地必須要勇敢、迅速、果斷地採取適當既行動。」
雖然香港位處全球既一丁點位置﹐但係本身人口密集﹐市民日常活動頻繁﹐很多時會不自覺間接地製造左很多溫室氣體﹐依點我地係唔可以忽視。
全球暖化既成因，源於二氧化碳同其他溫室氣體被排放到大氣層裡。依d氣體就似一塊厚厚既毛氈，困住太陽既熱力，令地球既溫度上升。越增加氣體排放量便會令溫度加倍上升。
片中講述全球暖化已經係鐵證如山既事實﹕
1. 喜馬拉雅山山峰上既積雪係近廿年內正急劇溶化；
2. 過去50年，全球平均溫度正以有史以來最高速度上升﹔另外﹐有史以來最熱既十年，都發生係最近14年內；
3. 雨量既改變造成好多地方出現水浸同旱災，連帶爆發可怕既疫病；氣溫既改變亦將多種動植物逼向絕種既邊緣；
4. 南北極冰山近十年內加速溶化﹐導致海岸線被推高﹐部分低窪島嶼面臨被淹浸；另外，冰水流出大海亦會擾亂洋流﹐影響全球冷暖氣流傳送﹐令很多地區出現極端天氣。
科學家指出，除非我地控制全球既二氧化碳排放量，否則二十一世紀末既平均溫度將會上升3至9度。
小弟最欣賞係片末落幕既資訊﹐一針見血﹐淺易明白﹔片末問大家可以做d咩野去控制全球暖化既惡化情況﹖
1. 改用節能電器，盡量節約能源，節約用電
2. 令家居通風唔吸熱
3. 將物品循環再用
4. 減少駕車，盡可能步行或踏單車或乘搭大型運輸工具
5. 說服家人同孩童一齊保育地球
6. 轉用可再生能源；能源公司發展更少污染既發電方法
7. 當選舉時，向有志改變現行政策來控制全球暖化既人士投下一票
8. 大量植樹
9. 轉用排放更少污染既車輛，製造更高效能既機器
10. 認識氣候危機，實踐學到既知識，同其他人一齊探討、交流
希望閣下都可以晌應支持控制全球暖化！
