青衣：你我交織著的故事

（以下故事改篇自真人真事．．．）

四面環海既青衣島，靠著南北橋樑穿梭荃灣與及葵涌兩地；人來人往，車來車往當中，交織著一段簡單樸素既小故事．．．

係三月某日既一個早上﹐一位熱愛氣象既青衣小男孩同一位崇尚自然且喜愛上網既荃灣小女孩﹐第一次約會大家﹐相約係青衣北橋上﹔那天早上天色雖然唔係咁好﹐但天氣和暖﹐且有海風吹送﹐份外清爽。

所謂一見鍾情，大家係橋上一見面﹐經已被對方深深既吸引著﹔一對小情侶﹐你我握住對方既手仔﹐一邊欣賞大橋兩旁既海景﹐ 一邊漫步往青衣海濱長廊。

係青衣海濱長廊步行中﹐小男孩見對方有點累﹐於是係碼頭附近找了一處坐低休息下﹔愛上網既小女孩已急不及待拎出佢至愛又至hit既netbook同男孩一齊上網搵資料，一齊吹吹水。

微風輕吹下﹐為海邊帶來一陣陣海霧﹐遠看一隻小漁船在霧中隱約浮現﹐幸好船上既照明燈閃爍著﹐讓航道上既其他船隻察覺得到。置身其中﹐有點兒像“漁火閃閃”兒歌曲中既意境﹐妙極﹗

當他倆利用netbook上網找尋氣象資訊既時候﹐小男孩坐耐了，扭下身子伸下懶腰﹐一轉身就看到不遠處有d新奇同形狀古怪既東西﹐看上去似個站位著既信箱。好奇心驅使下，大家往前走近﹐似有發現新天地既feeling﹐原來係個小型氣象站。

氣象站旁亦站著幾個青年小子﹐大家像討論著一d氣象話題。那對小情侶亦不自覺走埋他們身邊；搭訕之下﹐亦加入他們討論行列。一大班朋友一齊探討新知，那對小情侶亦因此開始鐘情氣象，為他倆既氣象興趣同愛情史揭開新既一頁。

（待續．．．）