點解會突然將上面幾句歌詞掛係嘴唇邊？
早幾日將一首歌曲，重新填詞，讓大家欣賞；另外，又刊登左一篇故事。兩者係有關聯既！
又係案件重演既時間．．．
係今年三月某日既一個早上﹐正當園長同一位網友係青衣海濱公園傾談既時候，我地幾位氣象站同僚路經此地，有緣碰見佢地。
大家搭訕之下，知道園長身旁既朋友係俊寧；之前都聽過園長提過，佢不時為網站將一d舊既歌曲重新配上切合網站既歌詞。
我地係好奇心驅使下，亦加入佢地既討論；另外，係佢地身上學左一d填詞基本技巧，又要求佢地指導我地為氣象站全體同僚起番首歌。
有人諗到，係青衣以南廿公里既南丫島﹐佢有自己既故事，有自己既歌曲，點解青衣又無o架？就係咁樣，大家就努力制作一首屬於自己既歌曲！
俊寧剛好有首由李克勤所唱既大會堂演奏廳純音樂係手，大家一聽之下就齊聲舉手贊成選e首歌用來重新填詞。
俊寧推薦以而家既天氣情況同海邊既景物同人物來作為歌詞背景，就最好。
當日早上天色唔係咁好﹐不過天氣和暖﹐係海風吹黎之下﹐d海霧令一隻路過近岸海邊既小漁船約隱約現。一於從e個方向咁樣出發．．．
另外，大家都覺得，係青衣海濱公園，不時都有一對對情侶經過；大家靈機一閃，不如將青衣繒塑成一個浪漫拍拖勝地！
就由一位小男孩同一位小女孩既純真愛情故事起筆！
「一位熱愛氣象既青衣小男孩同一位崇尚自然且喜愛上網既荃灣小女孩﹐第一次約會大家﹐相約係青衣北橋上．．．」
「一對小情侶﹐你我握住對方既手仔﹐一邊欣賞大橋兩旁既海景﹐ 一邊漫步往青衣海濱長廊。」
（歌詞出處：輕輕鬆鬆每看到就停留，青衣讓你久候。）
「微風輕吹下﹐為海邊帶來一陣陣海霧﹐遠看一隻小漁船在霧中隱約浮現．．．」
（歌詞出處：點點滴滴每串小故事，迷離撲朔飄渺。）
除左以上人同物，唔少得氣象站既出現，佢係大家心中既天使，係以佢來交織著你我，將大家緊扣著，揭開「氣象站戀愛史」（借喻為氣象手記網誌）新既一頁。
（歌詞出處：輕輕鬆鬆每看到就逗留，網誌字裡感受．．．友情，因此，永恆。）
「大家往前走近﹐似有發現新天地既feeling﹐原來係個小型氣象站。」
（歌詞出處：氣象站建立，讓你感到，是放心又爽朗，彷彿時光一再停留。）
「一大班朋友一齊探討新知，那對小情侶亦因此開始鐘情氣象，為他倆既氣象興趣同愛情史揭開新既一頁。」
（歌詞出處：天氣衍生，一段段轟動戀愛史，畢生．．．星月下有你再共我，研談氣象，平心傾訢。）
歌名：氣象站戀愛史
輕輕鬆鬆每看到就停留 青衣讓你久候
點點滴滴每串小故事 迷離撲朔飄渺
氣象站建立 讓你感到 是放心又爽朗
彷彿時光一再停留
輕輕鬆鬆每看到就逗留 網誌字裡感受
絲絲段段每次經歷 大氣之中緊扣
篇幅背後留低說話 是無盡的享受
友情 因此 永恆
天氣衍生 一段段轟動戀愛史 畢生
心菲在我倆身軀間 閃耀
星月下有你再共我 研談氣象 並列齊唱
一段段轟動戀愛史 衍生
開心永繫在我心間 忘卻爭鬥
星月下有你再共我 研談氣象 平心傾訢
（預告：遲d會有埋英文版歌曲，大家拭目以待！
）
沒有留言:
發佈留言