誰亦要經風與浪，誰遇挫敗不受傷。
逝去的，莫再想，路正崎嶇更漫長，
何用嘆息風裡望，寶貴光陰笑著量。
愁和哀，風與霜，不會天天都探訪，
用幻想，與夢想，編織那遠大理想；
斜陽好，花正香，跟那寂寞和著唱，
歌聲一句句，跳越屏障赴遠方．．．」
莫拉菲，係近日熟悉既名字；佢係一個中心風力達每小時140公里既颱風，它正係剛剛過左既星期六晚為本港帶來一個9號風球下既風雨夜。
「莫拉菲」，同上面由林子祥所唱既「莫再悲」歌名，同樣有著類似發音既名字；再睇下歌詞內容，又好似帶住幾分似曾相識既同感．．．
莫拉菲係深圳大鵬一帶登陸，以非常近既距離掠過香港；大家寄望佢可能會為本港帶來另一個十號風球，但最後只能係九號風球下同大家say goodbye。
正如歌詞話：愁和哀，風與霜，不會天天都探訪；十號風球既風力不可能時時都可以接觸到，但係九號風球既風力亦都係同一道理，我地要珍惜。
莫拉菲既探訪，可謂短暫，最大風雨既時間只維持一兩小時；當時係深宵時分，一般市民既生活無太大既影響，只不過為愛氣象既朋友們通宵上左一課，另外再加左些緊張感。
天一亮，雨細了，風減了，一切又好似回復平常；不過附近街道旁既樹木有點失容，滿地都係被風吹下既樹幹或者樹枝，面向西面最當風既樹就最慘，傷痕累累．．．
分享過整晚風雨過程，雖然係短暫，但係一睇過氣壓圖，氣象站氣壓六小時內由接近1000急跌至最低既985百帕斯卡，真不能抑壓自己沾沾自喜既心情！
依個七月，已經為大家帶來一d驚喜，唔知未來幾個月情況會係點，要拭目以待去睇睇。
下面幾幅圖分別係：
圖一：氣象站氣壓圖；氣壓係24小時內大上大落。
圖二：氣象站雨量圖；大部分雨量集中係星期六晚至星期日黎明時分。
沒有留言:
發佈留言