初七人日由來

正月初一至初七，每日都代表住一種生物，佢地既來歷與傳統中女媧在七日中每日造一生物既故事有關。

正月初一是雞日。
正月初二是狗日。
正月初三是豬日。
正月初四是羊日。
正月初五是牛日。
正月初六是馬日。
正月初七是人日。
正月初八是谷日。
正月初九是天日。
正月初十是地日。

我們既祖先認為女媧創世，正月初一造雞，初二造狗，初三造豬，初四造羊，初五造牛，初六造馬，到了初七，才創造了人！所以，農曆正月初七就被稱為“人日”，就是人類既生日。

另外亦有一d說法，人日跟人生轉世既觀念有關。古人話，人係十二月最後一天死去，靈魂會係正月初一寄生係雞體內。初一既雞死後，靈魂係初二轉寄係狗。之後靈魂又分別係羊、豬、牛、馬中轉生，初七轉生到人體。靈魂在轉生到人體後，開始以人既形像出現。但係不久依個轉世既人亦都會死去，靈魂從而寄寓於穀物中。而後靈魂再次轉生，完成第二次再生。依一過程被稱為正月既轉世。而依個傳說至後來，變成了初一唔殺雞，初二唔殺狗，初三唔殺羊……初七唔行刑既風俗。就係咁樣，解釋到點解過年會有食齋既習俗。

講左咁耐，又同天氣何干！？

根據以下古書有講：

漢東方朔《佔書》：歲後八日，一日雞，二日犬，三日豕，四日羊，五日牛，六日馬，七日人，八日谷；其日睛，所主之物育，陰則災。
漢東方朔《佔書》：初七人日，從旦至暮，月色晴朗，夜見星辰，人民安，君臣和會。
《遵生八箋》：七日為人，是日日色晴明溫暖則安泰，值風雨陰寒、氣象慘烈，思預防以攝生。
江南《常熟縣志》：正月七日為人日，晴則少疾疫。

可見“人日”說法同民間既“人逢人日喜天晴”說法至少在漢朝時就已流傳了。此外，亦有人將依套說法引伸至其他日子；如果個日係好天，即代表個種生物無病無災，唔好天既話就多災多難，百病纏身，又或者發生打鬥不和事件。

以上講既野，係無科學根據，只係傳說或者傳統文化，大家可以當故仔聽下，信不信由你！

還看今年如何：

1月26日（正月初一）：陰天，多雲
1月27日（正月初二）：陰天，多雲，有幾陣微雨
1月28日（正月初三）：早上多雲，下午部分時間有陽光
1月29日（正月初四）：多雲，部分時間有陽光
1月30日（正月初五）：初時多雲，日間轉晴
1月31日（正月初六）：天晴
2月01日（正月初七）：多雲，部分時間有陽光
2月02日（正月初八）：初時多雲，日間轉晴
2月03日（正月初九）：天晴
2月04日（正月初十）：天晴