初二．不祥之日

尋日講到古代傳說有云，好天氣即代表少災少疾；不過，尋日係狗日，天氣都係昏昏暗。

尋晚既煙花匯演，整體一般，由於多雲且雲底不高，加上風勢不大，天空既煙霧未能即時消散，越睇又越濛矓，唔係好清楚。

反而，筆者對一d小插曲就更有興趣想知．．．

筆者唔係想導人迷信，大家聽下就算，不要太過上心。

初二係狗日，天色昏暗；此乎，不祥既事，應驗而生。

政府官員係車公廟為香港求得下籤，籤文是「君不須防人不肖，眼前鬼卒皆為妖，秦王徒把長城築，禍去禍來因自招」，解曰「內有家鬼，自身不安，家宅不吉，求財不遂」。

維港賀歲煙花發放最後一幕慶祝中國建國60周年時，煙花殘餘火種跌落其中一隻躉船，燒著船上木架導致爆炸起火；有市民目睹經過講述：「躉船好似火燒旗桿咁，火舌起初有十幾層樓高，唔通寓意國家60年，火燒旗桿，長嘆息」。

西貢孟公屋一隻黑狗被困兩間祠堂之間罅縫多日，由鼠年捱到牛年，終被麻醉後負傷拖出，獲救即不治；有人肯評：「如果村民一早肯比消防係祠堂牆身鑽洞，就可以安全救佢出來」；「有點感嘆，真係白狗得食，黑狗當災」；「又令人諗起今朝係車公廟求既籤文，眼前既人都係妖魔，因為唔團結，好事招不到，卻自招禍來」。

依幾日天色都係麻麻地，加上天氣寒冷，令人更容易意志消沉，諗歪一面，寄望太陽伯伯快d出來，讓大家感到暖意同覺得有生氣！